Os Modestos: "Campeóns da Copa de Santiago 2014-15"

Os Modestos: 

"Campeóns da Copa de Santiago

 2014-15"

O equipo de modestos sabe repoñerse en tempo récord, do duro revés que supuxo quedarse ás portas do ascenso, e gañan a final da Copa de Santiago 2014-15.

Baixo un sol de xustiza e ante un duro rival como foi C.D. San Marcos que nos puxo as cousas moi difíciles, o noso equipo xogou un brillante partido e rematou levándose este prestixioso trofeo da Capital de Galicia.

Un partido moi aberto, no que o noso rival tamén tivo as súas ocasións, pero o Bodegón como sempre, soubo sufrir e xa na segunda metade da prórroga conseguíu un solitario gol que lle deu a vitoria nesta final, e revalida deste xeito o título de vixente campeón.

Sen dúbida ningunha un grande e merecido triunfo deste bo equipo que cada tempada se fai mais grande como grupo humano e deportivo. Seguimos medrando, porque sabemos que traballando nesta línea, o mellor ainda está por vir.

Os Modestos: "Ceden o Ascenso no Último Suspiro"

Os Modestos: 

"Ceden o Ascenso no Último Suspiro"

Unha vez máis o destino volveunos xogar unha mala pasada, e o noso equipo de modestos non puido poñer o broche de ouro á súa brillante tempada.

Duro revés, e por outra parte porque non imos dicir, que un tanto inesperado, despois de quedar demostrada a excelente tempada realizada nunha liga moi difícil polo elevado número de equipos que competían nela.

O equipo logro meterse na fase de ascenso, na que tivemos que enfrontarnos en primeira eliminatoria ao Ordes, e ao que logramos superar dunha forma clara e sen ningún tipo de dúbidas no xogo que mostramos, tanto no encontro de ida como no de volta.

Na fase final da loita polo ascenso, tocounos enfrontarnos ao Atlético Pino, estaba claro que había chegado ata aquí tamén por méritos propios e sabiamos que ía ser unha eliminatoria a dobre partido moi complicada.

De todos os xeitos chegado a este punto, o Bodegón estaba mentalizado e capacitado, para enfrontarse a calquera rival por duro que sexa como así quedou patente nesta eliminatoria. De feito tíñamolo claro que podíase acadar o noso obxectivo.

O partido de ida foi moi igualado, e tal vez o Bodegón dispuxo das oportunidades mais claras, pero que non logrou materializar, e cando iso acontece a experiencia dinos que rematase perdendo. Como así foi que a poucos minutos do remate do encontro, un fallo nas marcas por parte da nosa defensa, posibilitou que o noso rival acadase a victoria no encontro e un valioso gol de cara o encontro de volta no seu campo.

Está claro que o partido de volta ía ser moi emocionate, e podía pasar calquera cousa. De todos os xeitos sabiamos que mantiñamos case intactas as nosas posibilidades, e estabamos seguros de poder remontar ese resultado adverso da ida.

O partido saíu tal e como se esperaba e resultou ser moi igualado outra vez, como así o demostrou o resultado final que foi de 1-1 e que nos deixaba fóra do tan ansiado ascenso. Unha vez máis o noso destino levounos a fallar algún gol infallable, e aínda que o equipo quixo, puxo ganas e entrega, non logrou alzarse co triunfo no encontro. 

Non podemos esquecer, que para este equipo a tempada non rematou aínda, xa que terán que disputar a final da Copa de Santiago, que nesta edición nos enfrontará ao C.D. San Marcos, e como está fóra de toda dúbida imos loitar por gañala e revalidar así o título de vixente campeón que obra no noso poder.

É evidente que sufrimos un duro revés anímico, pero temos que esquecelo e seguir adiante con paso firme no noso desexo de pechar a tempada con polo menos un título.

Pase o que pase ninguén vai cuestionar a calidade, entrega e valía deste gran grupo. O club e a afección están plenamente ao seu lado, e dispostos de novo a animalos incondicionalmente noutro emocionante encontro, onde o Bodegón debe saír como sempre a dalo todo no campo.

Os Xuvenís: Copa de Santiago 2014-15

Os Xuvenís: 

Copa de Santiago 2014-15

O Bodegón de xuvenís foto superior, rematou a súa participación na Copa de Santiago 2014-15 tras ser eliminado pola S.D. Villestro foto inferior, despois de encaixar sendas derrotas tanto no partido de ida coma no de volta.

Aquí deixámosvos unha ampla galería de fotos dos dous encontros. Podedes vela directamente dende a páxina ou ben picando sobre "ver vídeo galería" para aceder á nosa canle de youtube.

VÍDEO GALERÍA DE FOTOS

VER VÍDEO GALERÍA

O equipo chegaba a esta competición mostrando un bo nivel de xogo, como así quedou patente nos partidos amigables disputados contra equipos importantes na fase de preparación.

Está claro que o noso obxectivo nesta competición era chegar o máis arriba posible, e a pesar das dúas derrotas sufridas nesta eliminatoria, non podemos dicir para nada que nos defraudase o xogo do noso equipo.

VÍDEO DO GOL DE ALEX

O partido de ida foi un encontro aberto con bastantes ocasións polos dous equipos, e o empate a dous parecía que ía ser o resultado final. Pero a S.D. Villestro case ao final do encontro, conseguiu un terceiro gol que poría as cousas moi ao seu favor de cara ao encontro de volta no seu campo

No partido de volta o Bodegón non baixou os brazos, e saíu a por todas aínda a sabendas de que era unha difícil empresa. O Bodegón tivo moitas ocasións de gol, e mesmo fallamos un penalti case ao inicio de partido, que de marcalo talvez cambiaría moito as cousas.

O rival soubo aproveitar ben as súas bazas, que co Bodegón volcado cara a arriba, soubo aguantar para collernos as costas nas contras, e sentenciar a eliminatoria con tres goles máis. 

Unha grande eliminatoria entre dous bos equipos, que a pesar da gran rivalidade existente entre ambos os dous, sempre reinou a deportividade e o bo comportamento dentro e fóra do terreo de xogo.