Os xuvenís "B" Non se lle pode pedir máis a este gran grupo.

Os Xuvenís "B"

Non Se Pode Pedir Máis 

Deste Gran Grupo.

Parte da pantilla do equipo de Xuvenís "B" antes de dar comezo un encontro.

Sen dúbida ningunha se algo temos que dicir deste equipo, é que é todo un exemplo a seguir, e un referente en canto a actitude, entrega e compromiso co club, e o escudo que defenden xornada a xornada.

Marcelo no chan, Alberto, e Xoán co 8 ás costas no encontro contra S.D. Cruces.

Hoxe por hoxe é o grupo que mais alegrías nos está dando, e tamén é como nos ten afeito dende hai bastantes tempadas xa en categorías inferiores.

Foto do encontro disputado fronte á S.D. Cruces

Comezaron a liga co obxectivo primordial de adquirir experiencia nesta categoría de xuvenís, pois non nos cansaremos de recordar, que este equipo formado por 18 xogadores, salvo catro que son de segundo ano, o resto dos integrantes son todos de primeiro.

Na foto Fuco, Alex, Toni e Aarón

Para iso inscribíuselles na liga de 2ª autonómica grupo 5, onde hai equipos de moita entidade e sobrada experiencia, como o Cruces, Callobre, Lalín, Oroso, Val do Ulla, Sporting Estrada...

Miguel (con cazadora azul na foto) é o primeiro adestrador, Antonio no centro da imaxe como delegado, e Jose (na foto xunto ó banquillo) como segundo adestrador, son os responsables da boa marcha deste grupo.

Cali (o porteiro) e Toni ó remate dun encontro.

O gran traballo feito polos seus adestradores durante a pre tempada fixo que logo os xogadores se fosen afianzando na competición e disputando cada partido con ganas e sen temor ningún cara aos rivais que temos en fronte.

Miguel, Gus, Aarón e Xoán no encontro frote á S.D. Cruces.

Tanto esforzo e traballo pronto viuse recompensado no terreo de xogo con resultados positivos. A estas alturas de tempada e a falta de cinco xornadas para rematar a liga só levan encaixadas tres derrotas. Este feito permítelle nestes momentos ao Bodegón estar a só un punto da cabeza da táboa que comparten Callobre e Cruces.

Estes tres equipos vanse disputar as dúas prazas que dan o pase á 1ª Autonómica o que gañe a liga ascenderá directo e o segundo terá que disputar unha fase previa de ascenso.

Xoán co balón

Nestes momentos non pode estar mais emocionante a competición e ningún dos tres candidatos pode permitirse o luxo de cometer un erro.

Josiño co balón e Aarón no encontro contra o Callobre C.F.

O Bodegón non pode fallar en ningún dos cinco encontros que lles quedan, pero que por outra parte son os máis complicados, fronte ao San Mamed, Oroso, Val do Ulla, E.D. Arzúa e Lalín.

Yago (O Tigre), Xoán e Gus son os tres dianteiros do equipo.

Os outros dous rivais teñen un final de competición mais suave, pero coa agravante de que na penúltima xornada se enfrontan entre eles, e tamén é, unha dura papeleta.

Jandro facendo exercicios de quecemento antes de comezar o encontro, a incorporación de deste xogador ao equipo de xuvenís "B" para cubrir a baixa de Chechu por lesión, vai ser moi importante neste tramo final da competición.

Así que todo pode pasar, e nós imos seguir animando este equipo tan novo de xuvenís, que paso a paso e xornada a xornada emociónanos, cada vez que salta ao terreo de xogo.

INFANTÍS FÚTBOL SALA: "O EQUIPO, Ó LADO DO SEU COMPAÑEIRO NICO"

Infantís Fútbol Sala: 

"O EQUIPO, CO SEU COMPAÑEIRO NICO"

Nicolás co brazo en cabestrillo xunto cos seus compañeiros e o adestrador.

Esta semana o equipo de infantís de fútbol sala que dirixe Rubén Varela, tamén quixo mostrar a súa solidariedade con Nicolas López ("Pechecho") adicándolle a victoria contra La Salle por 5-2. O xogador  sufriu unha lesión no seu brazo esquerdo e o manterá apartado por un tempo dos terreos de xogo. Para estes grandes xogadores é moi duro ver os encontros dende a bancada, por iso nos tamén lle mandamos o noso apoio e os dexesos de querelo ver canto antes loitando xuntos cos seu amigos no campo.

ÁNIMO PECHECHO...

Os Modestos, "Difícil Pero Non Imposible"

Os Modestos

 "Difícil Pero Non Imposible"

O adestrador,  David Barcia (na foto primeiro pola esquerda) co equipo convocado de modestos, que viaxou a Silleda para xogar o encontro fronte a S.D. Laro.

David dando instruccións a Kin durante un encontro.

Ainda co equipo mostrou unha notable melloría dende a chegada de David ó banquillo, tanto na forma de xogar como na moral dos seus xogadores. Os resultados seguen a ser, en moitas das ocasións, inxustos con nos.

Gústanos moito ver a Dieguito recuperado, e traballando duro coma sempre.

O equipo acadou nestas últimas cinco xornadas tres victorias fronte ó Guimarei, Fátima e Deixebre e duas derrotas ante o Laro e o Chaián esta última foi inmerecida pois tivemos o partido gañado, e foisenos case ó remate do mesmo, en dous erros puntuais.

 

 Kin na foto co balón, no encontro fronte ó Deixebre.

Nestes momentos da liga, atravesamos unha situación complicada pois atopámonos a sete puntos dos postos que nos poden dar a salvación para manter a categoría.

  

Fran en primeira estancia, e Álvaro falando cos xogadores do Guimarei.

O equipo todavía pode salvarse, pero ten que saber e sabe, que o marxe de erro é mínimo, cada partido que nos queda, é vital para as nosas aspiracións, onde xa temos que tentar non ceder máis puntos. 

Roucho no encontro fronte o Deixebre. 

Pódese dicir que ás veces o fútbol é inxusto, e máis vendo xogar ó equipo contra os rivais da parte alta da táboa, e onde semella non haber tanta diferenza a nivel futbolístico como mesmamente reconocen algúns dos adestradores cos que temos falado ó remate dos encontros. 

Álvaro outro gran xogador e con moito xenio.

Pero como ben dixemos un equipo que xoga moi ben o fútbol, e máis nesta segunda volta, non pode xerar nun partido catorce ocasións "clamorosas" de gol (a primeira os dous minutos de encontro) e só materializar cinco delas, e que o rival nos chegue a porta cinco veces, e nos meta dúas. Como vimos no partido fronte o Deixebre onde gañamos po 5-2 pero o resultado puido ser ben diferente.

Sánchez un gran xogador que non está a ser esta a súa tempada, por mor das lesións que está a pasar, e non lle permiten ter continuidade no xogo.

Como diciamos antes, a clasificación na que estamos é máis por falta de definicíon que temos cara o gol, que pola diferencia que pode haber no xogo que facemos, comparado co de outros rivais que van por riba nosa na táboa. 

Jacobo outro gran traballador, que está a mostrar un bo nivel esta tempada. 

A plantilla está formada por xogadores moi novos nesta categoría pero cunha calidade deportiva que queda fora de toda dúbida, e a pesares dos duros momentos que pasaron ó comezo desta tempada, mantiveron a súa unión dentro e fora do campo e iso ten moito mérito.

Nos confiamos plenamente neste equipo, e imos estar ó seu lado ahora e sempre. Estamos afeitos a loitar ata o final e temos tempo para acadar os puntos necesarios para manter a categoría. 

¡¡¡Agora Non Podemos Fallar!!!

Os Xuvenís "B": "Ánimo Chechu... Ánimo Amigo"

Os Xuvenís "B"

"Moito máis que un Equipo"

 Chechu no centro da imaxe rodeado polos seu compañeiros de Equipo.

A pasada xornada os Xuvenís "B" acadaron unha importantísima victoria fronte ó Sporting Estrada por 2-1, que aproveitaron para adicarlla a Chechu, un dos membros da plantilla que nestos momentos estase a recuperar dunha lesión que sufríu este ano fronte o E.D. Arzúa, e vaino ter apartado da competición ata o remate da mesma. 

Alberto (que foi o autor de un dos dous goles que lle dou a victoria ó equipo) xunto co restos dos membros do equipo, mostráronlle a súa solidaridade nestes momentos difíciles que está atravesando este gran xogador.

Gus (que foi o outro autor dos goles acadados polo equipo) falaba animadamente con Chechu, seguro que se han votar de menos, pois son moitos partidos e batallas, as que levan librado xuntos na punta do ataque do Bodegón.

¡¡¡ÁNIMO CHECHU!!!

Chechu nun encontro desta tempada.

Agora mesmo o máis importante é que se recupere plenamente, e estar o cento por cen para vindeira tempada. Dende o Club queremos darlle todo o noso ánimo e apoio a este gran xogador, que tanto leva dado polo escudo do equipo. Tamén estamos seguros que ainda que non poda saltar ó campo, a vivir os encontros dende o banquillo dándolle todo o alento ós seus compañeiros que tanto o han necesitar no que queda de tempada. 

"Ánimo Chechu... Ánimo Amigo"