¡¡¡ O CLÁSICO: 90 Minutos de Emoción e Intensidade !!!

¡¡¡ O CLÁSICO NON DEFRAUDOU !!!

90 Minutos de Emoción e Intensidade no Xogo

 Brais (co brazalete de capitán) e Aarón durante o encontro.

O Clásico non defraudou a ninguén e rematamos tal e como adiantabamos, vendo un partido intenso e cheo de emoción dende o minuto un, ata o remate do encontro. 

                  

                       BERTAMIRÁNS C.F.   2

    

             PEÑA BODEGÓN ARZÚA   2

                             

Josiño, Yago, Alberto, Esteban e Xoán 

Os xogadores xa amosaban nas súas facianas a tensión e a concentración que se estaba a vivir no túnel de vestiarios antes de saltar ó terreo de xogo.

 Miguel (adestrador) falando con Brais durante o encontro.

Partido complicado para Miguel que contaba con baixas importantes dentro do equipo e con algúns xogadores tocados que decidiu deixar non banquillo para non arriscar de cara ó resto da liga.

Pese a todos estes infortunios, e como é de costume neste equipo, todos os xogadores que saltaron ó terreo de xogo deron a cara e loitaron cada balón para lograr un valioso empate ante un gran equipo como é o bertamiráns C.F., que a pesares de non estar facendo unha das súas mellores tampadas, sempre saca o mellor de si cando xoga contra nos.  

Tanto o Bodegón coma o Bertamiráns foron dende o comezo do encontro polos tres puntos, nun partido aberto onde os dous equipos dispuxeron de claras ocasións. E aínda que o noso equipo tivo que remontar por duas veces o marcador en contra, nos últimos minutos do partido e co empate no marcador o equipo a piques estivo de levarse os tres puntos e o Bertamiráns rematou pedíndolle a hora ó colexiado do mesmo.

    Gustavo (Gus) na foto.

Este resultado ainda que bo, sábenos a pouco. O máis importante e recuperar canto antes ós nosos xogadores e seguir como ata o de agora traballando partido a partido e unidos coma sempre.

          

       Brais, Marcelo e Toni, noutro momento do encontro. 

Lucas poñendo o balón en xogo nunha falta.

Estebán que foi o porteiro do Bodegón neste encontro, estivo acertado en tódalas intervencións que fixo durante o mesmo e pouco pudo facer nos dous goles que encaixou.

 O equipo a piques de saltar o terreo de xogo.

Unha vez máis queremos destacar o apoio incondicional que tivo o equipo por parte da numerosa afición que se deslplazou hasta Bertamiráns para animar ós nosos xogadores neste clásico, xa moi coñecido por todos. Estamos a traballar nun vídeo onde eles tamén serán protagonistas do mesmo como recoñocemento a súa labor tan importante. 

       

O noso especial agradecemento para Iris, que é unha das nosas mellores xiareiras do equipo e que está a dar os seus primeiros pasos como reporteira fotográfica. Esta reportaxe é obra dela, e por iso o doble mérito da mesma. 

Os Modestos "Necesitán acadar máis victorias desta volta"

Os Modestos 

"Necesitán Acadar máis Victorias desta Volta"

David Barcia, (na foto momentos antes de dar comezo o encontro en Tordoia), volve o Club para facerse cargo como adestrador do equipo de Modestos. Un home da casa e de confianza, que coñece ben ós xogadores, (moitos dos cales xa estiveron baixo as súas ordes cando eran xuvenís). 

David ó lado dos seu xogadores, estirando antes do encontro. 

O equipo está a pasar por momentos díficiles na liga, e comezou esta segunda volta con un empate e dúas derrotas, pese a que os resultados non nos acompañan, podemos dicir que, polo xogo que fai o equipo debiamos ter merecido ir un pouco máis arriba na clasificación.

Aquí vos deixamos un pequeno resumo do que foi o encontro contra o Tordoia C.F.

Picade enriba do enlace para aceder ó video.  

Pica Aquí para VER VÍDEO DO ENCONTRO

Os Xuvenís "B" Gañas, Traballo, Disciplina e Compromiso

Os Xuvenís  "B" 

Gañas, Traballo, Disciplina e Compromiso

 O equipo de Xuvenís "B" ó remate dun encontro esta tempada.

Así é como podiamos definir a este equipo tan novo que son unha auténtica piña dentro e fora do campo, e que están a facer unha tempada máis que notable nesta categoría onde para a maioría dos xogadores da plantilla é o seu primeiro ano. 

Miguel (1º Adestrador) durante un adestramento.

Miguel e Jose son os responsables directos deste equipo ó que fan traballar duro cada día de adestramento para lograr o nivel optimo de rendemento en cada encontro que disputan.

Miguel e Jose o 2º adestrador (na foto de pe) noutro momento do adestramento.

Este ano as lesións non nos están respetando nada, e non é raro que algún xogador quede fora da convocatoria en cada xornada por este motivo.

Cali, Toni, Alberto ("Sanchís"), saltando o terreo de xogo na Estrada.

Pero como ben dixemos noutras entradas, esta plantilla está formada por bos xogadores que poden alternar as súas posicións no campo e cubrir as baixas que poidamos ter, así como tamén permitir ós seus adestradores  plantexar os encontros en función do rival ó que nos enfrontemos.

Xoán e Gustavo (co 7 á espalda) no encontro en Lalín.

O equipo que non deixou de adestrar nestas pasadas vacacíóns de Nadal, rematou en Lalín a súa primeira volta na liga, acandando uns resultados verdadeiramente bos, para a competición tan dura que están a disputar fronte grandes e recoñecidos equipos.  

Jose ("Josiño") co balón e Marcelo no encontro contra o Lalín.

Salvo dúas derrotas e un empate, o resto de encontros que disputaron cóntanse por victorias, é por este motivo, que neste momento ocupan o segundo posto da clasificación a cinco puntos do lider que segue sendo a S.D. Cruces.

Esteban facendo un saque de porta.

De tódolos xeitos, o noso obxectivo para este ano é ir partido a partido, sempre traballando duro para mellorar o nivel de xogo nesta platilla que si segue así de unida, e traballando do xeito que o están a facer nestes últimos anos, han lograr sen dúbida cousas importantes en vindeiras tempadas.

 

Yago ("O Tigre") con 11 e Chechu co 9 as costas, disputando un balón na Estrada.

Queda moita liga e moitos partidos que disputar, seguro que voltaremos a pasar momentos emocionantes, onde veremos a estes xogadores, como de costume, loitando cada minuto de encontro.

Fuco un gran Capitán, e loitador nato no campo.

Non temos máis presión que a de mellorar como futbolistas, tentar seguir medrando como grupo que somos, e acadar experiencia nesta nova categoría. Pero está claro polos resultados acadados ata o de agora, que imos polo bo camiño e non queremos apartarnos del. E que si podemos...

¡¡TENTAR ÍMOLO TENTAR!!

Os Cadetes " A Segunda Volta Vai Ser Decisiva"

Os Cadetes 

" A Segunda Volta Vai Ser Decisiva" 

Os cadetes nun partido desta tempada.

Remataron as Festas de Nadal e o balón volve a rodar polo campo outra vez, nunha segunda volta que amosa ser moi emocionante para os nosos equipos e onde están moitas cousas por desputar.

Sergio un bo xogador que está a mellorar partido a partido.

Os cadetes acadaron esta xornada un valiosos empate ante uns dos líderes da liga, este resultado deixa un bo sabor de boca de  cara as vindeiras xornadas onde vamos a enfrontarnos a rivais directos para tentar subir postos na táboa de clasificación. 

Miguel Carballo (na foto) é unha das novas incorporacións do equipo para esta segunda volta. Un bo xogador que apesares de ter ofertas doutros equipos, decidíu fichar polo noso Club. Ven con moitas ganas e a súa aportación ó grupo vai ser moi valiosas de aquí o remate da liga.

Diego e Yago noutro momento do encontro.

O equipo de cadetes ten unha tarefa moi clara que é a de tentar manter a categoría, que sen dúbida algunha, levados da man dos seus adestradores, han poñer todo o seu empeño en acadar este obxectivo. Nesta volta o equipo xa coñece mellor ós seus rivais, ciscuntacia que deben aproveitar para intentar acadar o máximo de puntos posibles que nos permitan alonxarnos dos postos de descenso. 

Yago (Beckenbauer) e outro dos xogadores que amosa moita seguridad dentro do equipo e que está nun estado de forma fenomenal, seguro que tamén a facer unha gran segunda volta ó lado dos seus compañeiros.

Oscar (co balón), Yago e Juán no encontro contra o Bertamirans C.F.

O equipo segue fiel o seu esquema de xogo, cas líneas ben ordenadas, ademais gústalle e saben tocar ben o balón, por eso se melloran un pouco na súa definición cara o gol e na intensidade do xogo, han ganar moitos dos encontros que se lles foron na primeira volta por erros puntuales.

Juán garantía e seguridade no centro da defensa.

Vamos a estar moi pendentes do que faga este equipo na segunda volta e ó que vamos darlle todo o noso apoio para que poidan acadar o seu obxectivo.