O Bodegón:
Comeza o 2016 con Sendas Victorias
Termináronse as vacacións de Nadal e o balón comeza a rodar de novo polos campos de fútbol e a competición ligueira retoma o seu curso.
O comezo do 2016, non puido ser mellor para os nosos equipos de xuvenís e de modestos que comezan o novo ano con sendas vitorias.
Polo que respecta ao equipo de xuvenís, esperamos que a segunda volta sexa moito mellor que o visto na primeira, tanto no seu nivel de xogo, como de resultados.
O equipo xuvenil conta cunha gran calidade de xogadores no seu platel, por iso nestes momentos, ocupar a zona intermedia da clasificación sábenos a pouco.
O equipo de modestos tamén comezou o ano con vitoria, e as súas expectativas para os seus obxectivos de conseguir a liga e por tanto o ascenso, seguen bastante intactas.
A igualdade entre os catro primeiros equipos da liga obrígalles a non poder fallar en ningún dos encontros que teñen que disputar de aquí ao final da competición.
