O Bodegón: SEGUE LOITANDO

O Bodegón: SEGUE LOITANDO

Os Modestos a Por Todas

Os modestos seguen coa súa boa tempada e bo xogo, e así vese reflectido cos bos resultados que están a conseguir. Esta semana disputaron dous partidos un de liga e outro de copa, con sendas vitorias como resultado.

No primeiro partido da Copa de Santiago e a falta de disputar o partido de volta, xa teñen encarrilado o pase á seguinte rolda, tras derrotar por un contundente 0-7 á Gracia C.F.

No seu último partido de liga derrotaron o Sporting Santiago por 0-1. Polo tanto pasan a disputar a fase de ascenso dentro do grupo no que están encadrados.

O noso rival na promoción será o Vila de Ordes a dobre partido, e se gañamos, deberemos enfrontarnos ao vencedor do outro emparellamento de grupo, que é entre o Atlco Pino e O Piñeiro C.F.

Unha promoción complicada fronte a grandes rivais, pero hai equipo e calidade, por iso temos que disputar os partidos intentando por todos os medios non cometer erros para xogar como sabemos, e lograr o noso obxectivo, que é voltar a 2ª autonómica.

Tamén debemos seguir centrados na Copa de Santiago, onde queremos e debemos, defender o noso título de vixente campión que conseguimos a tempada pasada tan brillantemente.

Os Cadetes na Copa de Santiago

Esta xornada, debemos recoñecer o gran partido de ida realizado polo equipo de cadetes fronte ao recente campión de liga como é a Victoria C.F., onde os nosos xogadores puxeron entrega e bo xogo durante todo o partido.

A pesar de que perdemos por 1-2 nun encontro onde merecemos moito máis por calidade e xogo que o noso rival, o bonito gol de Dani, todavía deixa as portas abertas para o partido de volta.

Estamos seguros que o Victoria C.F. vai saír a por todas no partido de volta, pero o Bodegón é un óso duro de roer. Pode ser que nos gañen, pero tamén pode ser, que non teñan tanta sorte como no partido de ida. Quedan 90 minutos por xogar e van ser duros para os dous equipos

Os Xuvenís Preparando a Copa de Santiago

Imos rematar o repaso desta xornada falando de Pablo Baleato (na foto), adestrador do equipo de xuvenís da S.D. Dubra e reconocerlle, e felicitalo polo excelente traballo que está a realizar cos seus xogadores, tanto no terreo deportivo, como de grupo que son. "Certamente todo un exemplo a seguir".

Esta semana os xuvenís do Bodegón disputaron un encontro amigable fronte á S.D. Dubra e á que temos que agradecer, que nos deixase utilizar o seu campo de céspede natural para realizar este encontro.

VÍDEO GALERÍA DE IMAXES DO ENCONTRO

VER VÍDEO GALERÍA

Aquí deixámosvos unha pequena galería de fotos do encontro. Podedes vela directamente dende a páxina ou ben picando sobre "ver vídeo galería" para aceder á nosa canle de youtube.

Cunha tarde estupenda, e un campo nunhas condicións inmellorables para a práctica do fútbol, puidemos presenciar un bo partido, onde os adestradores de ambos os dous equipos, puideron sacar boa nota de cara ás competicións de copa que van disputar

A pesar da boa relación que existe entre os xogadores dos dous equipos, a rivalidade no terreo de xogo estivo patente durante os noventa minutos de encontro que resultou ser moi disputado.

O partido estivo moi igualado e os xogadores dedicáronse a xogar e a deixar xogar, o que favoreceu que viramos un partido bonito, e de moita calidade por ambos os dous lados, e aínda que o empate a uns estivo campando gran parte do encontro no marcador...

A S.D. Dubra fixo prevalecer o seu poderío fisico sobre todo nos últimos vinte minutos, e  rematou levando o encontro por 3-1.