Comeza un Novo Ano a Liga Continua
e o Bodegón Segue Facendo Historia.
Sen medo a equivocarnos podemos dicir que o Peña Bodegon Arzua é un dos equipos mais humildes (por non dicir o que máis) da cidade de Santiago e a pesar de todo, que orgullosos estamos de todos e cada un dos membros, técnicos e xogadores e como non da nosa afición, que forman parte deste club tan entrañable e que ano tras ano ten que facer de tripas corazón a nivel económico para poder saír a competir.
VÍDEO GALERÍA DE FOTOS
Somos un equipo que nos gusta loitar no campo, pero sempre cos pés no chan e coa realidade na cabeza, só así dentro da nosa humildade, conseguimos ser un referente como club malia quen lle pese.
Os clubs grandes da cidade e de concellos veciños mais dotados economicamente podennos ollar por encima do hombro e con aires de superioridade pero ano tras ano peléxanse por incorporar nas súas filas moitos dos nosos xogadores e de diferentes categorías, iso será porque no fondo estamos facendo as cousas ben dentro do que cabe.
Á maioría dos xogadores que deciden deixarnos polo motivo que fora ou para irse a outros equipos sempre lle desexaremos o mellor e daremoslle as grazas por formar parte da historia deste club.
Pero aos que se quedan, pase o que pase aínda a sabendas das nosas dificultades e limitacións, a eles e só a eles, darémoslle todo o noso apoio e o noso recoñecemento, porque son os que realmente fan posible que o club siga vivo e pague a pena traballar para velos xogar e divertirse samente cada fin de semana.
O obxectivo primordial para esta tempada competir como sempre ao maior nivel posible en todas e cada unha das competicións que disputemos.
No caso de modestos, é fundamental intentar meterse na loita pola fase de ascenso á 2ª autonomica, así como defender o titulo de campión de copa conseguido a tempada pasada tan brillantemente por este gran grupo de xogadores.
En canto ao equipo de xuvenís e superada a pequena lagoa de comezo de tempada, pois aínda que só perderon dous partidos no que vai de liga, son os catro empates obtidos dun xeito un tanto ilóxico, os que nos fan estar nun posto que realmente non é o que esperabamos a comezos da tempada.
Malia tódolos contratempos, o equipo segue ahi diante, e esperemos que o seu rendemento aumente para esta segunda volta e poidan estar mais preto do A.D.M. Peleteiro, que co seu grande equipo, mostrase como claro favorito ao título. Tamén esperemos que fagan un bo papel na Copa de Santiago, aínda que nos estamos a formular a posibilidade de entrar a competir na do Sar tamén.
E por último pero non menos importante o equipo de cadetes que cun equipo de luxo, permitiuse perder algún partido esta tempada, máis pola falta de ambición mostrada no campo, que pola superioridade mostrada polos rivais.
De tódolos xeitos este grupo tamén esta moi unido tanto entre eles coma cos seus adestradores, e esta funcionando moi ben, sabemos que poden dar moito máis, e esta segunda volta é a ocasión para demostralo.
En canto aos equipos de fútbol sala estamos á espera de que nos cheguen as primeiras fotos e/ou vídeos desta tempada. A eles faremos mención nunha entrada a parte para presentarvos aos dous equipos e a cada un dos membros que compoñen os equipos
