OS MODESTOS: XA PREPARAN A NOVA TEMPADA 2014-15

OS MODESTOS 

PREPARAN A NOVA TEMPADA 2014-15

O equipo de modestos comezou a principios deste mes de agosto a súa posta a punto de cara á nova tempada 2014-2015, o comezo da mesma, está previsto para a primeira semana de setembro. Un grupo que tras salvar todos os infortunios sufridos na tempada pasada, non só logrou manter a súa unidade senón que rematou a tempada gañado o titulo da Copa de Santiago

O que máis desexamos é que este ano o equipo non sufra, que sigamos gozando do bo fútbol que fan, e que poidamos celebrar a consecución dalgún título e mesmamente loitar polo ascenso. Aquí deixámosvos dous vídeos, un do que foi a Final de Copa de Santiago, e onde nos alzamos co trofeo de campión, e un segundo vídeo resumo do que foi a tempada pasada.

VÍDEO RESUMO DA FINAL DE COPA

VER VÍDEO DA FINAL DE COPA

VÍDEO RESUMO DA TEMPADA 2013-14

VER VÍDEO DA TEMPADA 2013-14

CADETES E INFANTÍS GALERÍA DE FOTOS TEMPADA 2013-2014

CADETES E INFANTÍS

GALERÍA DE FOTOS TEMPADA 2013-2014

Pouco a pouco o verán toca á súa fin e sen que a penas nos decatásemos, está apunto de poñerse en marcha unha nova tempada. Aínda que o equipo de modestos e o de xuvenís xa están cos adestramentos da pretempada, para ver ós cadetes e infantís no campo, imos ter que esperar a finais de agosto por estar moitos dos seus xogadores aínda de vacacións.

Pero para ir entrando en materia, aquí deixámosvos dous vídeos con sendas galería de fotos da tempada pasada destes dous equipos tanto de cadetes coma de infantís.

CADETES 2013-2014

VER VÍDEO DE CADETES

INFANTÍS 2013-2014

VER VÍDEO DE INFANTÍS

Este ano de novo sairemos a competir e a intentar facer un digno papel en todas e cada unha das ligas onde teñamos un dos nosos equipo. Pero o mais importante gozar do deporte, do que facemos, e polo que nos movemos, sempre sin ningún ánimo de lucro. Así o teñen moi claro todos e cada un dos membros que forman este, aínda que humilde, gran Club.

Tamén queremos aproveitar esta entrada para enviar un saúdo moi especial ao noso amigo Emilio M. Así como a todos e cada un de vós, polas vosas fotos e vídeos, que nos facedes chegar cada xornada, e deste xeito entre todos, facer un pouco máis grande a historia viva do noso Club.