Os Xuvenís: Unha Tempada Moi Discreta

Os Xuvenís:

 Unha Tempada Moi Discreta

Os xuvenís rematan unha tempada bastante discreta, e un tanto afastados dos obxectivos que se pretendían ao comezo da liga.
 



Cun equipo ilusionante tanto polo número de xogadores, como pola calidade dos mesmos, propuxémonos optar a disputar coas máximas expectativas, todas as competicións nas que iamos entrar.
 



Pero a realidade resultou ser bastante distinta, pois na liga a nosa participación foi discreta e terminamos na metade da táboa.
 

Na Copa de Santiago tampouco nos acompañou a fortuna, e non logramos pasar a primeira eliminatoria.
 

Aínda que no terreo deportivo as cousas non saíron todo o ben que quixésemos, polo que respecta ao grupo, podemos dicir que sempre mantivo a unión e a cordialidade, tanto entre eles como coa afección que xornada a xornada apoiou dende a bancada a estes bos xogadores.
 

Agora é tempo de lecer e gozar do verán. Tempo haberá de pensar na próxima tempada e na composición dun novo equipo que nos ilusione e emocione como sempre cada xornada.

 



Algúns destes xogadores verémolos a próxima tempada xogar no equipo de modestos, polo que haberá que pensar en incorporar caras novas a este equipo de xuvenís, que suplan as baixas que se poidan dar, e que se é posible, manteñan e mesmo melloren tanto a competitividade como a harmonía reinante neste grupo.