OS CADETES: Derrotan ao AMIO C.F., ao Frío e á Choiva.

OS CADETES

DERROTAN O AMIO C.F., AO FRÍO E A CHOIVA

Interesante partido o que nos ofreceron esta xornada as cadetes do Bodegón, que derrotaron ao Amio C.F. por un contundente 1-6, mostrando unha vez máis que se queren, o seu rendemento e o seu nivel de xogo pode mellorar en cada encontro, se manteñen a constancia no seu xogo, pero sobre todo se cren máis en si mesmos.

Aquí deixámosvos unha pequena galería de fotos a xeito de vídeo con algúns momentos do encontro. Só tedes que picar na frecha onde pon galería de fotos para que salte o vídeo.

GALERÍA DE FOTOS

CADETES 2014-2015

Dani disputando un balón, baixo a forte choiva que estaba a caer.

Como podedes ver nesta foto, a dureza do partido non só veu marcada pola perseveranza que mostrou o noso rival durante todo o encontro, senón que tamén tivo a gran dificultade engadida, ao disputarse baixo unhas condicións climatolóxicas extremadamente duras, onde o frío e a intensa choiva que caía por momentos no campo facian moi dificil a práctica deste deporte.

Antonio noutro momento do encontro tamén fixo un bo partido.

Unha vez mais os xogadores dos dous equipos, dérono todo no terreo de xogo, pero foi nesta ocasión o equipo do Bodegón o que logrou sacar o partido adiante, e polo tanto sumar outros tres puntos máis para a súa casilla da clasificación.

Agora toca recuperarse, e adestrar duro para afrontar as vindeiras xornadas contra rivais directos, que ao igual que nós, loitan por estar na cabeza da táboa. A grandeza dun equipo, pasa sobre todo non temer nunca ningún adversario, e por derrotar calquera rival por grande que sexa.

Os xogadores, saudandose amistosamente ao remate do encontro.

Nos próximos encontros veremos ata onde poden chegar os nosos xogadores, pero sobre todo a capacidade de motivación e preparacion que os adestradores deben facer, para chegar nas mellores condicións a estes encontros, fronte a grandes rivais que non van conceder ni un erro.

O presidente do club Jesus Carril (Suso) no centro da imaxe, e os responsables do equipo de cadetes Jose (Josiño) e Ruben (Chicolas) satisfeitos polo rendemento do equipo neste encontro, a pesares de que as suas facianas amosaban o frío que pasaron durante o mesmo.

Evidentemente é nestes momentos onde se ve, que detrás dun bo equipo, hai sempre unha grande afección que anima aos seus xogadores dende a bancada, e en todo momento. Para eles vai o noso saúdo e agradecemento por o seu apoio incondicional.