Os Xuvenís, Listos para Comenzar a Competición

Os Xuvenís 

Listos para Comenzar a Competición

A tan só duas semanas para que comece a liga na categoría xuvenil, o noso equipo continua coa súa preparación para a tempada.

Este ano os adestramentos comezaron a primeiros de agosto, e a pesar de que moitos dos integrantes do equipo encontrabanse nos seus distintos lugares de veraneo da xeografía galega, todos fixeron o esforzo de acudir regularmente aos adestramentos e así desta forma chegar o mellor posible a este inicio de tempada.

 

Esta tempada contamos cun único equipo de xuvenís formado basicamente polo equipo de xuvenís "B" da tempada pasada, que segue mantendo integramente o seu bloque de xogadores, 

Unha vez máis os xogadores, demostraron o seu compromiso e lealdade ao grupo, pois a pesar das múltiples ofertas que tiveron doutros clubs, tal vez máis ricos e mellores pero non tan nobles, eso seguro, preferiron seguir xuntos e defender o escudo ao que pertencen e que os viu medrar.

Por outro lado este grupo vaise ver reforzado, pola incorporación de novas fichaxes que estamos seguros van achegar moito a este novo proxecto, e como non podía ser doutro xeito, tamén imos contar como non, con seis xogadores que nos chegan da categoría de cadetes, e que é este, o seu primeiro ano como xuvenís. 

Un equipo que case na súa totalidade salvo dous ou tres xogadores o resto son todos de primeiro e segundo ano. En definitiva un equipo bastante amplo integrado por 21 xogadores e co que nos propoñemos afrontar con ilusión esta nova tempada  que está apunto de comezar.

Como dixemos a pretempada para este equipo comezou a primeiros de agosto, e durante a mesma, viñemos disputando diversos partidos amigables contra diferentes equipos. 

Tanto contra rivais directos da nosa propia liga, como é o caso da S.D. Trazo, Tordoya C.F. e A.D. M. Peleteiro, como rivais de categorías superiores como a S.D. Dubra, E.D Val do Ulla e E.D. Arzúa.

Neste sentido queremos agradecer a todos e cada unha dos equipos a boa disposición que mostraron para a realización destes amigables e a boa harmonía en que tiveron lugar os encontros. 

Temos que facer unha mención especial á S.D. Dubra, aos seus xogadores e corpo técnico, pola súa boa vontade, pois converteron estes enfrontamentos xa nun auténtico clásico, e que a pesar de ser amigables, sempre mostran un gran nivel tanto de xogo, como de rivalidade dentro do terreo de xogo. 

Unha vez máis e como e costume o enfrontamento logrou reunir un número considerable de público na bancada. De todos é coñecida as boas relacións que teñen os nosos xogadores cos desta entidade dubresa, e á que desexamos moita sorte nesta tempada, e que de seguro han de estar ahí, loitando polo ascenso a liga gallega

Como dixemos este ano contamos con moitas caras novas neste novo proxecto do Bodegón, e que as iremos presentando a medida que transcorran as xornadas.

Esperemos que o equipo faga un bo papel este ano, e as metas a conseguir sexan as que nos fixemos nós mesmos. "Hai ocasións en que as vitorias máis grandes, non se conseguen dentro dun terreo de xogo alzando un trofeo".